خنيفرة المنسية – للزجال سعيد بوطرين

سعيد بوطرين (°)

لِيك الله، يا اللّي كنتي سباب
لبلادي فهاذ الحالة المزرية
ليك الله، يا اللّي خليتي
بلادي خنيفرة منفية
ديما راجعة اللّور، اللُّور ؤمنسية
ما كاين اللي يهز علامها
حقها مهدور
ناس ما عندهم ضمير
خدامين إينهشو ؤيفرسو
ما خلاو غير لعظام
فالبركاسات مرمية
ؤ ولادها كان الله ؤ بيهم
الحرمان والبطالة
دايرة حالة فيهم
لا خدمة ولا حاجة مقضية
لا اقتصاد مقاد ولا سياحة
لا فلاحة ولا صناعة
الدل والقهرة على شبابك مكفية
كان الله ؤ بيك يا خنيفرة
راكي ف حفرة مقبية

خنيفرة في 27 ماي 2019

ـــــــــــــــــــــــــــــــــــــــــــــــــــــــ

(°) زجال – له ديوان “حروفْ زاهْيَة”