حْرُوبْ.. مَا مْثَلْهَا حْرْوبْ – للزجال الحاج أمدياز

• الحاج أمدياز (°)

الَحْرُوبْ

مَا مْثَلْهَا حْرْوبْ

خَلاَّتْ العَالَمْ مَرْعُوبْ 

 لَحْدودْ تْسَدَّاتْ بِينْ الشْعُوبْ

تْشَلاَّتْ الحَرَكَة كُولْشِي مَعْطُوبْ 

تْساوا فيها الغَالَبْ والمَغْلُوبْ 

هَا لَحْرُوبْ

فَزْمَانْ لَعْجُوبْ 

للصَّحَّة  النْقَبْ مَضْروبْ 

لَقْوَامْ تْعَادَاوْ كُلشي مَجْروبْ

لَعْداوَة فالجْماعَة  لاَ حَدْ مَحْبوبْ 

هَا لَحْرُوبْ 

لَعْدو خْيَالْ وَالرْصَاصْ مِيكْروب ْ

طِيرْعَوَّامْ مْهاجَرْ بْلاَ مَرْكُوبْ 

شَمَّة حَكَّة ليه تْوَلِّي مَنْشُوبْ

تْهَزّو تْجِيبُو بَلْيَة للدْرُوبْ

هَا لَحْرُوبْ 

دْيَالْ الدْوَامْ أَ لمَزْغُوبْ 

شَدَّاتْ فِيكْ مَالِيكْ هْروبْ

تْكَحْ عْلِيكْ مَغْضُوبْ

مَا يْنَفْعَكْ بْكَى وَلاَ نْدُوبْ 

سَلَّمْ رَاسَكْ تْدَاوَا لاَتْعَودْ مَجْروبْ

تْعَادِي قْوَامْ تْوَلِّي رُوشِيرْشْ مَطْلُوبْ

هَا لَحْرُوبْ

صَرْفُو هَادْ المَكْتُوبْ 

رَاهْ الدِّعَايَة وْلَكْذوبْ 

إخَلِّيوكْ مَرْعُوبْ

الخَلْعَة واللَّهْفَة فْلَقْلوبْ 

هَا لَحْرُوبْ

صَرْفُو هَادْ المَكْتُوبْ

نْدِيرُو أَللِّي مَنَّا مَطْلُوبْ

التْبَاتَة وَالرْزَانَة وَلْحْجُوبْ 

إِهَدْنُو لعقول إِبَرْدُو لَخْوَاطَرْ وْلَقْلُوبْ

إِسَدُّو لَبْوَابْ فَوْجَهْ لَعْدُو أَللِّي وَلَّى مِيكْرُوبْ…….

هَا لَهَا لَحْرُوبْ

مَا مْثَلْهَا حْرْوبْ

خَلاَّتْ العَلَمْ مَرْعُوبْ 

 لَحْدودْ تْسَدَّاتْ بِينْ الشْعُوبْ

تْشَلاَّتْ الحَرَكَة كُولْشِي مَعْطُوبْ 

تْساوا فيها الغَالَبْ والمَغْلُوبْ 

هَا لَحْرُوبْ

فَزْمَانْ لَعْجُوبْ 

للصَّحَّة  النْقَبْ مَضْروبْ 

لَقْوَامْ تْعَادَاوْ كُولشي مَجْروبْ

لَعْداوَة فالجْماعَة  لاَ حَدْ مَحْبوبْ 

هَا لَحْرُوبْ 

لَعْدو خْيَالْ وَالرْصَاصْ مِيكْروب ْ

طِيرْعَوَّامْ مْهاجَرْ بْلاَ مَرْكُوبْ 

شَمَّة حَكَّة ليه تْوَلِّي مَنْشُوبْ

تْهَزّو تْجِيبُو بَلْيَة للدْرُوبْ

هَا لَحْرُوبْ 

دْيَالْ الدْوَامْ أَ لمَزْغُوبْ 

شَدَّاتْ فِيكْ مَالِيكْ هْروبْ

تْكَحْ عْلِيكْ مَغْضُوبْ

مَا يْنَفْعَكْ بْكَى وَلاَ نْدُوبْ 

سَلَّمْ رَاسَكْ تْدَاوَا لاَتْعَودْ مَجْروبْ

تْعَادِي قْوَامْ تْوَلِّي رُوشِيرْشْ مَطْلُوبْ

هَا لَحْرُوبْ

صَرْفُو هَادْ المَكْتُوبْ 

رَاهْ الدِّعَايَة وْلَكْذوبْ 

إخَلِّيوكْ مَرْعُوبْ

الخَلْعَة واللَّهْفَة فْلَقْلوبْ 

هَا لَحْرُوبْ

صَرْفُو هَادْ المَكْتُوبْ

نْدِيرُو أَللِّي مَنَّا مَطْلُوبْ

التْبَاتَة وَالرْزَانَة وَلْحْجُوبْ 

إِهَدْنُو لعقول إِبَرْدُو لَخْوَاطَرْ وْلَقْلُوبْ

إِسَدُّو لَبْوَابْ فَوْجَهْ لَعْدُو أَللِّي وَلَّى مِيكْرُوبْ…….

هَا لَحْرُوبْ

(°) زجال له عدة قصائد زجلية، منها أجزاء قيد الطبع، شارك في عدة تظاهرات  إقليمية ووطنية